வேதாகமம்
പുതിയ നിയമം
2 പത്രോസ്
ആമുഖം
- Verse 0: 'പൗലോസിന്റെ ലേഖനങ്ങള്ക്കു പുറമേ ഏഴു ചെറിയ ലേഖനങ്ങള്കൂടി പുതിയ നിയമത്തിലുണ്ട്. ഏതെങ്കിലും ഒരു പ്രത്യേക ക്രൈസ്ത സമൂഹത്തിനു മാത്രമായല്ല, സഭയ്ക്കു മുഴുവനുംവേണ്ടി എഴുതപ്പെട്ടവയാണ് ഈ ലേഖനങ്ങള്. ഇക്കാരണത്താല് ഇവ കാതോലികാ ലേഖനങ്ങള് എന്ന പേരില് അറിയപ്പെടുന്നു. പത്രോസിന്റെ ലേഖനങ്ങള് പത്രോസ് തന്നെയാണ് അദ്ദേഹത്തിന്റെ പേരില് അറിയപ്പെടുന്ന രണ്ടു ലേഖനങ്ങളുടെയും രചയിതാവ് എന്നതിന് പുരാതന സാക്ഷ്യങ്ങളുണ്ടെങ്കിലും, ഒന്നാമത്തേതിന്റെ രചനയില് യേശുവിന്റെ പീഢാനുഭവത്തിന് ദൃക്സാക്ഷിയല്ലാത്ത ഒരാള്കൂടി സഹായിച്ചിട്ടുണ്ട് എന്നു സംശയിക്കപ്പെടുന്നു. താരതമ്യേന മെച്ചമേറിയ ഗ്രീക്ക് ഭാഷ ഉപയോഗിക്കുന്ന ഈ സഹായി പൗലോസിന്റെ ശിഷ്യനായിരുന്ന സില്വാനോസ് ആയിരിക്കാനാണ് കൂടുതല് സാക്ഷ്യത. ഈ ലേഖനത്തിന് ആശയാവിഷ്കരണത്തില് പൗലോസിന്റെ ലേഖനങ്ങളോടുള്ള സാധര്മ്യം ഈ നിഗമനത്തെ ശക്തിപ്പെടുത്തുന്നു. രണ്ടാമത്തെ ലേഖനത്തിന്റെ കര്ത്താവ് പത്രോസ് തന്നെയാണെന്ന് എക്കാലവും വിശ്വസിച്ചുപോന്നിട്ടുള്ളതാണ്. എ.ഡി. 67വനു മുന്പ് എഴുതപ്പെട്ട ഒന്നാമത്തെ ലേഖനം, ഏഷ്യാ മൈനറില് ചിതറി പാര്ത്തിരുന്ന യഹൂദക്രിസ്ത്യാനികളെ, അവര്ക്ക് അനുഭവിക്കേണ്ടിവന്ന നിന്ദനങ്ങളിലും പീഢനങ്ങളിലും ആശ്വസിപ്പിക്കുന്നതിനും പ്രോത്സാഹിപ്പിക്കുന്നതിനുംവേണ്ടി എഴുതിയതാണ് (2, 12വ15; 4, 3വ4, 14വ15). പീഢനങ്ങളില് പ്രത്യാശ പ്രദാനം ചെയ്യുന്നതാണ് യേശുക്രിസ്തു നല്കിയ മാതൃകയും അവന്റെ ഉത്ഥാനവും പ്രത്യാഗമനത്തെക്കുറിച്ചുള്ള വാഗ്ദാനവും. പരീക്ഷകളില് ദൃഡചിത്തരായിരിക്കുകയും വിശ്വാസത്തെപ്രതിയുള്ള സഹനങ്ങളില് ദീര്ഘക്ഷമ പ്രകടിപ്പിക്കുകയും സമൂഹമധ്യത്തില് വിശുദ്ധരായി ജീവിക്കുകയും ചെയ്യുക ആവശ്യമാണ് (2, 11; 4, 19). രണ്ടാമത്തെ ലേഖനത്തിന്റെ ഉദ്ദേശ്യം സഭയില് പ്രവര്ത്തിച്ചുകൊണ്ടിരുന്ന വ്യാജപ്രബോധകര്ക്കെതിരെയും അവര് മൂലമുണ്ടാകുന്നതിന്മകള്ക്കെതിരെയും വിശ്വാസികള്ക്ക് മുന്നറിയിപ്പ് നല്കുകയാണ് (2,1- 22). ദൈവത്തെയും ക്രിസ്ത്യാനികളെയുംകുറിച്ച് ദൃക്സാക്ഷികള് നല്കിയയഥാര്ത്ഥമായ അറിവില് ഉറച്ചു നില്ക്കുക (1, 3-21), ക്രിസ്തുവിന്റെ പ്രത്യാഗമനം സംഭവിക്കില്ലെന്ന് പഠിപ്പിക്കുന്നവരെ ശ്രദ്ധിക്കാതിരിക്കുക; ജലപ്രളയകാലത്ത് ലോകത്തിനുണ്ടായ നാശംപോലെ ക്രിസ്തുവിന്റെ പ്രത്യാഗമനദിവസം ലോകം അഗ്നിയാല് നശിപ്പിക്കപ്പെടും; അതു വിധിയുടെ ദിവസമായിരിക്കും; ആദിവസത്തിനായി ഒരുങ്ങിയിരിക്കുക (3, 1-18), എന്നിങ്ങനെയുള്ള നിര്ദേശങ്ങളാണ് ഈ ലേഖനത്തിലൂടെ പത്രോസ് നല്കുന്നത്. '
